BCM Central Church Aizawl in kan lo lawm a che
CHIBAI BUKNA
BCM NEWS
Kristian Chhungkaw Hapta hmang tan
Mizoram Baptran chuan May 24, 2012 (Thawhtan zan) atanga tanin chawlhkar khat chhung Kristian Chhungkaw Chawlhkar a hman tan a ni. He chawlhkar chhung hian zan tin chhungkuaa thuzir tur buatsaihin Pathianni leh, May 20, 2012 ah Kristian Chhungkaw Ni hman thin a ni. Kumina Kristian Chhungaw Thuzir tur ziaktu hi Buarpui bialtu Pastor, Rev.B. Zirsangliana a ni. Kumin 2012 a Kristian Chhûngkaw Ni, Special Sunday atâna kan hman tur May 20 hi a khâr nana hmangin Ni 14.May.2012(thawhtan) zan atanga hman tan tura programme hi buatsaih leh a ni.
May 20, 2012. Pathian Ni zing Inkhawm sermon erawh chu BCM Special Day Programme.2012-a tarlan tawh ang khan hman tur a ni ang a. Zing Inkhawm Thupui atan-‘Kristian Chhungkaw din pawimawhna’ (TT.16:31-34) a ni a, Zan Inkhawm thupui atan -‘Kristian Chhungkaw din tura mawhphurhna’(Malakia 2:15-16) hman tur a ni ang. Tin, Pathianni zing leh zan Inkhawmah hian Special Items nei thei an awm chuan duhthusam a ni bawk. Entir nan –Kohhran/ BMP/ BKHP Zaipawlte, KNP, Solo, Recitation sawite leh chhungkuaa programme/ item neih te.
KRISTIAN CHHUNKAW CHAWLHKAR
May 14 – 20, 2012 Programme
May 14, 2012 (Thawhtanni) : Zirlai 1-na : Kristian Chhungkaw nihphung
May 15, 2012 (Thawhlehni): Zirlai 2-na: Chhungkaw inpumkhatna leh inenkawlna
May 16, 2012 (Nilaini): Zirlai 3-na : Chhungkaw keh chhia
May 17, 2012 (Ningani): Zirlai 4-na: Chhungkaw Maichâm
May 18, 2012 (Zirtawpni): Zirlai 5-na : Chhungkua leh Kohhran inzawmna
May 19, 2012 (Inrinni): Zirlai 6-na : Chhungkua leh Intodelh
May 20, 2012 (Pathianni): Zirlai 7-na : Kristianna leh Rinawmna
KNP Day, April 23
April 23, 2012(Thawhtanni) hi Mizoram baptist Kohhran Naupang pawl “Kristian Naupang Pawl” (KNP) din champha a ni a. Kuminah hian School chawlh a nih loh avangin Unit tam takin hemi ni hian KNP Day pualin hun an hmang thei lo a, amaherawhchu tun Inrinni leh Pathianni-ah te KNP Unit tamtakin Programme siamin KNP Day pual hian hun an hmang dawn a ni. Kumin KNP Day thupui atan chuan “Tho la, naupang kha kai tho la, I kutin chelh rawh, amah chu chi ropui takah ka siam dawn a sin” (Gen. 21:18) tih a ni ang. BCM pumpui huapin tun dinhmunah hian KNP Unit 405-ah member 30,013 an awm a ni.
MBKHP-in Zuk leh Hmuam beihpui thlâk
Nimin, April 17, 2012 khan Mizoram Baptist Kohhran Hmeichhe Pawl(MBKHP) chuan an rorelna bawhzuiin zuk leh hmuam thatlohzia inzirtirna beihpui hawnna Inkhawm Chanmari Biak In, Lunglei-ah neih a ni a. Inkhawm hi Pi H. Lalkimi, Treasurer, MBKHP-in a kaihruai a. Rev. H. Lianngaia, General Secretary-in Zuk leh hmuam dona beihpui hi a hawng a, thuchah a sawi nghal bawk. He beihpui hawnna Inkhawm-ah hian zaithiam- Bethsy Lalrinsangi leh CR Laldingliani te sawm an ni a, Resource Person atan Dr. SR Ngurchamliana hmana ni bawk.
AICS Valedictory Service
AICS Valedictory Service
April 15, 2012 (Pathianni) chawhnu dar 2:00 khian AICS chuan a vawi 10-na atan Pastor Thanzinga Chapel, Academy of Integratd Christian Studies (AICS)-ah Valedictory Service an buatsaih dawn a. Kum dang ang bawkin BD leh M.Div. zir zo tawhte mi 20 vel thlahna hun an hmang dawn a ni. He programme-ah hian BCM President, Rev.Dr.Raltawnga chu khuallian niin valedictory address a sawi ang.
Hengte hi tun tuma ZIr chhuak thlahliam turte chu an ni:-
Christian Hospital-ah Solar Energy Plan.
Solar Energy Plan hawn a ni
Nimin, April 10, 2012 khan Christian Hospital, Serkawn –a hman turin Zoram Energy DevelopmentAgency (ZEDA) leh NMRE te tanwgkawpin Solar Energy Plan an bun sak chu LAD Minister, PC. Lalthanliana’n a hawng ta. Hawnna inkhawm hi Dr. Lalramzauva, Medical Superintendent, Christian Hospital-in a kaihruai.
